BRO hmalakna CM hrilh

Border Roads Orga-nization (BRO) hnuaia Aizawla hmunpui nei, Project Pushpak chief engineer KK Razdan chuan nimin khan chief minister Lal Thanhawla chu a pisaah a hmu a, an hmalakna leh an hmalak zel tum dante a hrilh.

KK Razdan chuan, BRO-in kawng an en-kawl, Buichali-Lengpui, Lawngtlai-Diltlang-Parva, Dungtlang-Vaphai- Farkawn, N. Vanlaiphai-Thingse, Zawngling-Mawhre-Chapui leh, Thingsai-Bualpui-Saisih-Pangkhua-Sangau kawngte dinhmun Chief Minister a hrilh a; kawng ṭhenkhatah ram lâk (land acquisition) lama har-satna an tawh thu a sawi.

Ministry of Surface Transport-in tun hma ngaihtuahin kawng enkawlna atan sum an pek tlem tawh thu sawiin KK Razdan chuan, "Sum dawn tlem avang hian kawng enkawlna zuina leh thuam ṭhatna kawngah harsatna lian tak kan tâwk a ni," a ti.