Kawng siam dawn vangin Thingsai lawm

Mizo Students’ Union (MSU) sub-headquaters, Thingsai chuan thuchhuah siamin, Hnahthial aṭanga an khaw kawng siamnaa sorkar hmalak danah an lawm thu an tarlang.

Thingsai MSU chuan, Hnathial - Thingsai kawng chu Hnathial aṭang-
in Tuichang lui thleng (km. 10.500) siam hna Lalthantluanga, Lunglei Venglai-in a thawk a, Tuichâng aṭanga Tumtukâwn (km. 10.500-52) chu blacktop tura hmabak a ni tih an sawi a, "He kawng a ṭhat theih nana kan ngennate chief minister Lal Thanhawla leh minister Lal Thanzara ten ngai pawimawh a, SLT Infrastructure Project-te'n an thawk dawn ta hi lawm-thu kan sawi a ni," an ti.

Thingsai MSU-te chuan, kawng siamtu tur SLT Infrastructure-te chu a rang thei ang bera hna an ṭan turin an beisei tih an sawi bawk.