MNF nu hoin kawng chhia vanduaithlak ti

MNF party-a nu ho pawl, Mizo National Women Front (MNWF) hruaitute nimina an president Vanlalbûki hoa Mizo Hnam Rûna ṭhukhawm resolution an pass a; kum riat Congress sorkar chhungin Mizorama motor kawngpuite ṭhat lai nei miah loin a chhe tluan nia sawiin, vanduaithlak an tih thu an tarlang.

MNWF chuan, "Kawng-pui chhiate mi-pui-in sorkar ṭanpuia hna-tlang ringawta siamthat sên loh khawp a ni ta hi sorkar inthlahdah leh thatchhiat hrin chhuah a ni a, PWD changtu chief minister Pu Lal Than-hawla hian a hna chanpual a enkawl zo lo hle tih a tarlang chiang hle," an ti a; kawng chhiate chu a rang thei ang bera siam-
ṭhat an phût.

MNF nu ho chuan, Congress sorkar chu IOC lamah harsatna awm si loa eirawngbawlna gas-a thla li chhung harsatna siam tawhah puhin, pawi an tih thu an tarlang a; stamp duty tihsan a ni chu an duh thu leh, rate hlui anga tihniam leh tura MNF
ṭhalaite hmalakna vanga sorkarin rate hlui anga a la leh tura thutlukna a siam chu lawmawm an tih thu an tarlang bawk.