Sorkar chungah MPYCC an lawm

Congress party ṭhalaite chuan thuchhuah siamin, Mizoram sorkarin Aizawl khawpuia kângmei chhuak ṭhelh awlsam zawkna tur leh a nghawng dang tur venhimna atana fire hydrant a vuah mek chu lawmawm an tih thu leh sorkar hmalakna chu chhuanawm an tih thu an tarlang.

MPYCC chuan, "Mipui him zawk nana ram changkangin an khawpuia an hman ṭhin ang hmang ve thei tura hmalakna kal meka hna thawh a ni ta hi kan sorkar chak tak kan chhuang a, ruahmanna hlawhtling tura rim taka PHE department changtu leh department-a thawktute kan fak a ni," an ti.

Congress ṭhalai chuan, Aizawl khawpui tâwt leh kum tin chhiatna thleng palh ṭhin sutkianna atana theihtawp chhuahin hma a la zel nia sawiin, lawmawh an tih thu an tarlang bawk.