Total bandh chungchang sawiho

Lunglei DC Lalzarmawii chuan nimin khan a pisaah PWD hotute a kâwm a; Lungsen Vehicle Owners Association leh All NGO Coordination Committee-te'n kawng chhia vanga Lungsena total bandh an huaihawt chungchanga hmalaknate a sawipui.

Meeting-a tarlan danin, total bandh hi October 21, 2016 zing dar 6 aṭanga
huaihawt ṭan niin, tlai dar 4-ah tihtawp a ni a, bandh neih chhungin harsatna leh buaina lian tham thleng hriat a ni lo.

NH-302 kawngpui siam ṭha tura total bandh huaihawttute leh PWD hotute chu nimin vêk khan an inkâwm a, PWD hotute chuan November thla chhunga hna a tam thei ang ber thawh an tum thu an sawi.