Champhai district-a hnathawhte thlirho

Champhai District Development & Monitoring Committee chu nimin khan co-chairman Ronald Sapa Tlau, Rajya Sabha MP hoin DC conference hall-ah an ṭhukhawm a, Champhai district-a sorkar department hnathawhte an thlirho.

Meeting-a tarlan danin, Champhai DRDA hnuai-ah kum 2016-17 chhung-in MGNREGA job card nei mi 28,231 tan ni ruk chhung inhlawhna siam a ni tawh. PHE-in mipui in tur tui lak hna khaw 10-a an thawh mek chu tun sorkar kum chhunga zawh theih an beisei a; Champhai district-a tuihna dinhmun an zir chiannaah kum 15 chhunga tuihna kiam dan chu 15% a ni.

Champhai district chhungah êng pek lohna khua a awm lo a, Saikhumphai (khaw per) leh Champhai Vengthar huama veng pakhat chu êng pek turin hmalak mek a nih thu an tarlang.

Khawchhak tlang-dunga inkal pawhna kawngpui dinhmun a
ṭhat leh zual theihna tur leh, ṭha zawka enkawl a nih theih nan Champhai district-ah PWD Eastern Circle SE a awm theihna turin meeting chuan sor-kara thlen an rel a ni.

Meeting-ah hian Champhai district-a MLA panga zinga pali - Lalrinliana Sailo, TT Zothansanga, JH Roṭhuama leh T Sangkunga te an tel.