Gas bûr 604 man tawh

27th October, 2016

Central YMA hnuaia Kumpuan duty-te chuan April 27, 2016 aṭanga September 29, 2016 thleng khan gas khawih chingpen bûr 604 an man tawh.

Thu dawn danin, CYMA Kumpuan duty-te'n gas khawih chingpen an man bûr 604 zingah hian bûr 332 chu a ruak a ni a, bûr 229 chu a tak awm niin, bûr 43 erawh chu a tak awm nge a ruak tih hriat chian a ni lo.

Gas man zinga 338 chu Khamrang chhehvela man a ni a, bûr 221 chu Mualkhang leh a chhehvela man niin, a bak bûr 221 chu Aizawl chhehvel hmun hrang hranga man a ni.

YMA Kumpuan duty-te hian gas khawih chingpen an mante hi an hrensak zel hrih a ni.

YMA Kumpuan duty-te hian gas khawih chingpen hi a reh hma chuan, gas khawih chingpen ṭhinte zawn hna hi thawh zel an tum.