Lunglei-Chawngte siam tum

Lunglei aṭanga Chawngte panna kawng, motor kal theih loh khawpa chhia nia sawi chu a hmuna enfiah a, chak taka siam ṭhat a nih theihna atan contractor JKM Infra Project Ltd, Noida chuan general manager Akhil Goel a tír.

Lunglei-Chawngte kawng hi Chhumkhum aṭanga Chawngte thleng, km. 41.52-a thui chu World Bank sum hmangin JKM Infra Project Ltd, Noida-in an siam mek a; hmun hrang hranga kawng an laih zauh avang leh, kawng chhuat a chhiat nasat avangin tunah hian kawng hi motor kal harsa khawpin a chhia a ni.

JKM Infra Project Ltd. hian Hitachi khawl pakhat leh tipper pahnih hmangin kawng chhe lai leh khuar a lai hi an an siamṭha mek nia thudawn a ni.

Kawng a chhiat avanga nitin mamawh phurtu lirtheite an tlan tawh loh avang hian Chawngte leh a chhehvel khua mipuite chuan harsatna an tawk
ṭan tawh a; buhfai pek thuai dan tur Lunglei DCSO H Lalrinpuia chuan a ruahman a, motor kal theiha kawng siamṭhat a nih veleh buhfai hi thawn tum a ni.