HSLC old course exam buatsaih dawn

Academic session 2016-17 aṭangin Mizoram Board of School Education (MBSE) hnuaia pawl 10 zirlaite'n zirlai thar an zir avangin MBSE chuan March 2017-ah zirlaibu hlui (old course) zir tawh, la pass chhuak lote tan HSLC Exa-mination a buatsaih dawn.

MBSE-in hriattir a chhuah danin, HSLC (Old Course) Exami-nation hi August 2016-a buatsaih HSLC (Special) Examination hmachhawn, pass lote leh MBSE-in admit card a tihchhuah tawh, eng emaw vanga exam hmachhawn lote tana buatsaih tur a ni a; practical exam-a pass tawhte chu an pass tawhna rin zui theih a ni ang. Old course special exam a nih angin, compartmental chance a awm dawn lo.

HSLC (Old Course) Examination atan hian exam centre pariat thlan a ni a; chungte chu - Aizawla Chaltlang H/S leh JL H/S, Champhaia GM H/S, Kolasib-a St. John's HSS, Lunglei H/S, Lawngtlaia Region H/S, Mamit H/S leh Serchhip H/S-te a ni.

November 11, 2016 thleng exam centre-ah form a thehluh theih a ni.