PMEGP loan latute PMEGP nihna zirtir

Mizoram KVI Board chuan nimin khan Chanmari YMA Hall-ah PMEGP loan latute pualin PMEGP zirhona an buatsaih a, parliamentary secretary (Industries) Joseph Lal-himpuia'n a hmanpui.

Joseph Lalhimpuia chuan, Mizoram siamṭha turin a chengte'n mawhphurhna sang tak an nei tih sawiin, "Kan ram siamṭhat hna hi hnam dangin min thawhsak dawn lo. Sorkarin skill development training tur-in Mizo ṭhalai ṭhahnem tak an tír chhuak tawh a, hna thawh bul ṭanna tur bank lamin sum min ngaihtuahpui zel theih chuan kan ram sum leh pai dinhmunin a ṭhatpui hle dawn a ni," a ti.

Parliamentary Secretary chuan, PMEGP workshop-a telte chu loan an lâkte eng anga ngai hpawimawh tur nge tih zir chhuak turin a chah a; tun dinhmunah PMEGP loan latute zingah loan rûl ṭha chu 40% pawh an la tling lo tih sawiin, fel lo a tih thu a sawi.

KVI chairman K Lian--zuala chuan, Mizoram KVI chu India hmar-chhakah hna thawk ṭha ber pawl an nih thu a sawi a, "Mizoram KVI hian kum 2008, 2009 leh 2016-ahte best performance award a dawng a ni," a ti.

Mizoram KVI hian kum 2009-2010 aṭangin PMEGP loan an buaipui ṭan a, nikum thleng khan margin money atan cheng nuai 2918.43 an sem chhuak tawh a; unit 2,689 tawh niin, hna thawh tur siam pawh 20,097 a tling tawh a ni.