Sairang hnenah 'Chhanchhuahna lawng'

Disaster Management & Reha-bilitation department-in Sairang khawtlang tan 'chhanchhuahna lawng' an pe a, nimin khan Sairang Dinthar community hall-ah DMR minister Prof. Lalnilawma'n Sairang Village Disaster Manangement Committee leh Sairang Dinthar Village Disaster Manangement Committee hnenah a hlan.

Chhanchhuahna lawng (inflatable rescue boat) hian kg. 500-a rit a phur thei a, engine outboard motor chak zawng chu 208cc a ni a; National Disaster Response Force-te nen Tlawng luiah enchhin nghal a ni.

Prof. Lalnilawma chuan, Sairang mipuite'n Mizo tlawmngaihna vawng nung a, nunna thâpa chhan­chhuah hna an thawk ṭhin chu fakawm a tih thu a sawi a; mipui harsatna sukiang tur leh ṭanpui theihna a pianga che chhuak turin sorkar a inhawn reng thu a sawi.

Lawng inhlanna inkhawm hi DMR joint director Francis Lallawmkima'n a kaihruai a; bialtu MLA TBC Lalvenchhunga pawhin thu a sawi a ni.