Mizo Territorial Army hmun tur enfiah

Sorkar laipui hmalaknain Mizo Territorial Army din a ni dawn a, a awmna tur ngaihtuahtu Coordination & Land Search Commit-tee member-te'n an chairman Lt.Col. Clement Lalhmingthanga, MLA hoin nimin khan Lungleng rama Bellei Tlang an enfiah.

Mizo Territorial Army hi a bul ṭan nan company hnih din phawt tura ruahman a ni a, a hmunpui tur zawn mek a ni. Lungleng rama Bellei Tlang chu a remchang hlea hriat a ni a; chutihrualin, nimina enfiahtu Coor-dination & Land Search Committee chuan uluk leh zau zawka sawiho leh ni se an tih bakah, a ṭul angin Lungleng khawtlang hruaitute nen sawiho tura ruahman a ni.

Bellei Tlang enfiah-naah hian Coordination & Land Search Com-mittee member - Home department, Land Revenue & Settlement department, Sainik Welfare & Settlement leh Mizoram Youth Commission aiawhte an tel a ni.