Vawiinah sikul kai tur dang dawn

Zohmun NGO Coordination Committee chuan Zohmun High School-ah June 13, 2025 hmaa mathematics leh science zirtirtu dah tura sorkar kar nan vawiin June 9 aṭang hian zirtirtu leh zirlaite sikul kai tur an dang dawn.

Zohmun NGO-te hian Zohmun H/S-ah mathematics leh science zirtirtu hun rei tak an nei tawh lo a, chuvang chuan tuna academic session kal mekah zirlaite'n science leh mathematics subject an la zir lo tih an tarlang a, "Kan thil phût min tihhlawhtlinsak turin sorkar leh thuneitute kan ngen a, kan hlawhtlin hma loh chu kan tu leh fa, zirlai naupangte tan theihtawp kan chhuah zel dawn a ni," an ti.