SHC-in kuhva ṭiak 45,000 an sem

Sinlung Hills Council (SHC) chuan June 7, Inrinni khan SHC chhung khaw 31-a kut hnathawktute tan Sakawrdaia SHC pisa tualah kuhva ṭiak 45,000 an sem.

Kuhva ṭiak semna inkhawm hi SHC chief executive member (CEM) Ricky Lalremsanga'n a kaihruai a; SHC-in sum leh paiah harsatna nasa tak a tawk tih sawiin, "Chutihrual chuan hmar mipuite chu retheihna leh harsatna aṭanga khaichhuah ngei an tum a, SHC area-a kuhva chingtute tan sum leh pai tam tak sênga kan sem chhan a ni," a ti.

Argiculture changtu SHC member Lalhriatchhunga Hmar chuan, "SHC-ah hian MNF leh HPC(R)-in sorkarna chang mah se, thlei bik nei loin Sinlung area-a kuhva ching a duh apiangte tan kuhva ṭiak sem a ni," a ti a; Sinlung area chu party politics chhiain a chen chilh ve a rem loh thu a sawi.