Id-Ul Zuha-ah Muslim-te an ṭawngṭai

June 7, Inrinni khan Muslim ni pawimawh Id-Ul Zuha (Bakrid) a ni a, Mizorama Mosolman-te pawhin an hmang. Aizawl Mosque Committee huaihawtin zing karah Joint YMA Field-ah Muslim-te an ṭawngṭai a, Aizawl Mosque Committee & Muslim Welfare Society Mizoram general secretary Md. Mamon Majumdar-a'n a kaihruai.

Muslim Welfare Society Mizoram General Secretary chuan Id pualin Mizoram mipui chibai bûkin, duhsakna a hlan a; Mizoram sorkar leh mipui leh YMA-te nen thawhhona ṭha an nei chu lawmawm an tih thu leh, tun hnaia ruahsûr nasa vanga chhiatna thlenga thite an tawrhpui thu a sawi.

Md. Mamon Majumdar chuan, dan zawm chu khua leh tui ṭha tih tur a nih avangin Inner Line Permit chungchangah dan zawm ngaite ṭha taka zâwm turin Mizorama Muslim awmte a chah a; ram neitu mipuite nen inpawh tak leh him taka awmho zel turin a chah bawk.

Aizawl Mosque Committee hi kum 1909 khan din a ni a, Lunglei leh Siaha-ah pawh mosque din a ni tawh a ni.