Ruihhlo ti lo turin naupang intiam

Mamita Excise & Narcotics department leh Mamit Lungsir Presbyterian Kohhrana Social Front ṭang dun chuan June 7, Inrinni khan Lungsir Kohhran Sunday School Hall-ah Ruihhlo Do Awareness Campaign an buatsaih a; ruihhlo ti lo tura intiam naupang 160 hnenah certificate leh pen an pe.

Campaign-ah hian Mamit END assistant commissioner Lalsangzuala Ralte chuan, ram hmelma ruihhlo donaah kohhrante'n hma an la zel chu lawmawm an tih thu a sawi a, "Kohhran nen ṭangruala kan thawhho chuan kan ram hmelma ruihhlo hi kan do hneh ngei kan beisei," a ti.