Khehpuam neitu hrem

Aizawl District Court chuan khehpuam (pseudoephedrine) mum 2,300,000 kawl avanga man, Lalṭhuama (48) s/o Rochhuma, Tuikual 'C' Mual, Aizawl chu thiam loh a chantir a; kum nga táng tur leh Rs. 50,000 chawi turin a hrem.

Excise & Narcotics department PRO aṭanga thu dawn danin, Lal
ṭhuama hi khehpuam mum 2,30,000 a kawl nen May 17, 2015-ah man a ni a, NDPS Act hmangin thubuai siamsak a ni. A thubuaiah hian nimin khan Special Court (NDPS Act) chuan thiam loh a chantir a; kum nga táng tur leh Rs. 50,000 chawi tura a hrem bakah hian, pawisa a chawi loh chuan kum khat dang tàn belh turin a ti bawk.

Lalṭhuama hi bail-a chhuak lai a ni a, Court-in thiam loh a chantir hnuah Excise & Narcotics enforcement-te chuan nimin khan man nghalin, jail-ah dah luh a ni.