Zirlaite Ni hman a ni

Nimin kha Zirlaite Ni a ni a, MZP huaihawtin Lal Thanhawla Audito-rium-ah hman niin, par-liamentary secretary (School Education) Joseph Lalhimpuia'n a hmanpui.

Joseph Lalhimpuia chuan, khawvel chu mi taima leh thawk rim apiangte hlawhtlinna a nih thu sawiin, zirlaite chu inelna sang zawk hmachhawn a, competitive exam tam zawk hmachhawn tura inbuatsaih turin a chah. Zirnaa sorkar hmalakna sawiin, "Education siamṭhat mek a ni a, zirtirtu lak dan pawh siamṭhat mek a ni. Hostel mumal taka a kal theih nan ‘Hostel rules’ siam a ni tawh," a ti a, rules anga awm lo hostel-te lakah sorkarin na taka action a lak tur thu a sawi.

MZP President Lal-sangzuala Ngente pawhin thu sawiin, Zirlaite Ni chu thil ṭha tih nan leh nun dan mawi inzirtirna hunah MZP-in an hman
ṭhin thu a sawi a, "Zirlaite hi kut hnathawk pawhin a hlawhtlin theih a, sorkar hna thawh ringawt hi kan tum tur a ni lo a, mahnia into-delh kan tum tur a ni," a ti.

Zirlaite Ni hi MZP din champha, October 27-ah hman ṭhin a ni a; nimina an hmannaah hian career awareness campaign neih a nih bakah, zûk leh hmuam ṭhat lohzia zirtirna hun hman a ni.