KHAWTHLIR

Breast Cancer Awareneass

Nimin khan Aizawl Civil Hospital leh IQAC hnuaia Women Development Cell, Aizawl North College ṭangkawp chuan Aizawl North College-ah 'Breast Cancer Awareneass Cum Clinic' an buatsaih a, college zirtirtute leh zirlaite hnute cancer chungchanga hriattur pawimawh hrang hrang zirtir an ni.

Health awareness

Sorkar laipui hnuaia Directorate of Field Publicity chuan October 26, 2016 khan Lengte khuaah Health Awareness Campaign an buatsaih. Campaign-ah hian Dr David Zothansanga leh Dr Lalruatfela ten Reproductive, Maternal, Newborn, Child Health & Adolescent (RMNCHA) leh Mission Indradhanush chungchang an
sawifiah a ni.

NLUP sem

Siaha-a District Industries Centre chuan nimin khan NLUP hnuaia ṭanpuina an sem. Ṭanpuina hi puanṭhui, desktop publishing, automobile works & motor works, video & photography, lumeh, beauty parlour, bakery, petty trade leh puan-ṭhui thlangtu mi 163 hnenah pek a ni. Nimin vek khan Khawruhlian khuaah Industry dept.-in NLUP ṭanpuina hi an sem a, mi 42 hnenah Rs. 18,81,200 sem ral niin, bialtu MLA Dr. Ngurding­liana'n a hmanpui.

Thisen pe

Mizoram University NSS Unit chuan nimin khan an campus-ah blood donation camp an huaihawt a, Aizawl Civil Hospital tan mipa 125 leh hmeichhia 28-te'n thisen unit 153 an pe.

HMV tlân thei

Aizawl Traffic SP chuan thupek chhuahin, Aizawl to Sairang kawng, National Highway no. 54-a Edenthar Veng pêng bula kawngpui chhuat bal vanga hun eng emaw chen lirthei lian (HMV) an tlan theih lohnaah nimin tlai aṭanga khan lirthei liante a inchhâwkin an tlan theih tawh thu a puang.