Bru buaipui turte tan training

Tripura refugee camp-a Bru-te hruai kîr tumna kal mekah nimin khan Mamit district-a administrative officer (AO)-te tan Mamit DC conference hall-ah training buatsaih a ni.

Training hi Mamit DC Lalbiaksangi'n a kaihruai a, AO-te chu Bru lak letna tura an mawhphurhna leh hruai kîrte lo dawnsawn leh buaipui dan tur hrang hrang an inhrilh a ni.

AO-te hi mawhphurhna hrang hrang pek an ni a; Bru lo lette chu an awmna tur khua ṭheuhah an dinhmun chiang taka hriaa lo dawngsawng tur te, V/C-te nena Village Level Resettlement Committee din tur te, hmun remchang laiah tempory shelter siam tur te, ei tur buatsaihsak kawngah khaw chhunga tlawm-ngai pawlte phungbawma sáwm turte leh hruai kir hna kalpui a nih hmain ei tur dahkhawmna tur hmun lo buatsaih turtea tih an ni.