Lungmuat HS-ah sikul kai thei tawh

Lungmuat High School-a headmaster dah an phut avanga zirlai nu leh paten October 25 aṭanga zirlai leh zirtirtute sikul kai turte an dan hnuah nimin aṭang khan Kawnpui SDO (Civil) Lalhmingliana hmalaknain zirlaite'n sikul an kai leh ṭan.

Kawnpui SDO (C) hian nimin zing khan zirlai nu leh pate bakah Luangmuat V/C leh NGO hruaitute an khaw hall-ah ko khawmin, harsatna an tawhte a sawipui hnuah sikul hi hawn a ni. Zirlai naupante chu sikul kai tura kohkhawm niin, zirlai an zir ṭan nghal.

Lalhmingliana chuan harsatna dang a awm leh a nih chuan zirna kalpui turin a ṭul chuan force mite rawih an nih tur thu Lungmuat khawtlang hruaitute a hrilh

Lungmuat High School-a headmaster chu tunhnai lawk khan sawn chhuah a ni a, dah let leh tura sorkar phutna atan zirlai nu leh pate chuan zirtirtute leh zirlaite hi an dang a ni.