UNDP hotute leh CS inkâwm

United Nations Development Programme (UNDP) Procurement Transformation Mission chuan nimin khan an leader Krishan K Batra hoin chief secretary Lal-malsawma an kâwm a, New Economic Development Programme (NEDP) chungchang an sawiho.

Nimin vêk khan UNDP hotute hian Planning department leh Finance department hotute an kâwm bawk a, NEDP chungchanga thil pawimawh hrang hrang an sawiho.

Sorkar thuchhuah tarlan danin, UNDP team hi NEDP hnuaia financial management reform-a procurement reform component kalpui mek Mizoram sorkar hotute nena zirho tur lokal an ni. UNDP Procurement Expert-te hian Mizoram sorkar tan procurement manual leh standard bidding document-te an buatsaih dawn a ni.