Kut láwnga sava thi khawih loh tur

Environment & Forest department chuan thu-chhuah siamin, tun hnaiah India ramah sava pûl hril (bird flu) hmuh chhuah leh a nih thu an tarlang a, sava thi reng reng kut lâwnga khawih lo turin mipui an hriattir.

E&F department chuan, bird flu lêng chu H5N8 a nih thu sawiin, "A hmaa mi H1N1 aiin a hlauhawm nêp deuha ngaih a ni. Mi tumahin sava thi reng reng kut lâwngin an khawih tur a ni lo," an ti a; sava thi hmute chu AH&Vety department emaw, E&F department emaw office hnai bera hrilh nghal turin an ngen.

Mizoramah sava pém chi (migratory bird) eng emaw zat a awm a, kum tin Mizoramah an lo lut ve ṭhin tih sawiin Forest department chuan, "Hengte hi tui hmun leh phaiahte bakah, khaw chhungahte pawh an thlawh luh cháng a awm ṭhin a, hetiang ang sava hmute chuan AH&Vety/Forest department-ah hriattir nghal vat zel tur a ni," an ti.