Mi harsate tana a thlawna inenkawlna

Mizoram sorkar chuan thuchhuah siamin, Ministry of Social Justice Justice & Empowerment hnuaia Dr Ambedkar Foundation-in 'Dr Ambedkar Medical Aid Scheme Revised 2016' kaltlangin India khua leh tui, scheduled tribe leh scheduled caste khawsak harsa, kum khat chhunga Rs. 2,50,000 la pha lo tan a thlawna damdawi-ina inenkawlna a ruahman tih an tarlang.

Sorkar thuchhuah tarlan danin, he scheme hian ST leh SC mi, khawsak harsa, natna khirh tak tak - kal natna, lung (heart) ná, thin (lever) natna chi hrang hrang, cancer, thluak khawih natna khirh, spinal zai ngai leh hnuk khawih natna khirhte bakah, taksa péng thlak (organ transplant) ngai vanga damlote'n a thlawna damdawi-in thlan bikahte an inenkawl theihna tur rua-hman a ni.

Damdawi-in thlan chhuahahte hian ST leh SC mi, natnain a huam vanga awm duhte chu Health Secretary leh Social Welfare Secretary emaw, an awmna district-a DC hriatpuina lehkha la hmasaa enkawl theih a ni.

Dr Ambedkar Medical Aid Scheme Revised 2016 scheme hre chiang duh tan Health Directorate, Social Welfare Directorate leh DC office tinah pisa kai hun chhungin zawhfiah theih a ni.