Lungleiah electoral roll ennawn dan sawiho

Nimin khan Lunglei district atana election observer-a ruat K Zothan-khuma chuan Lunglei DC conference hall-ah electoral registration officer (ERO) leh assistant electoral registration officer (AERO)-te meeting a neihpui a; Special Summary Revision of Electoral Roll an kalpui mek dante an thlirho.

K Zothankhuma chuan, ERO leh AERO-te chu electoral roll-ah khua leh tui dik takte chauh thun tur an nih avangin engtik lai pawha fimkhur turin a chah a, "Roll summary revision-a hmalak tum a nih reng rengin DC kaihhruaina hnuaia ruahmanna felfai tak neih ṭhin tur a ni," a ti.

Meeting-ah hian sorkar official-te bakah political party pathum aiawh an tel a ni.