SDRF sum Saitual dist.-a hman dan A dik loh thu Chief Secretary-ah thlen

Saitual khaw mi pakhat chuan tun hnai khan Chief Secretary hnenah lehkha a thawn a, Saitual district-a State Disaster Respond Force (SDRF) sum  hman dan a dik loh thu tarlangin, Saitual DC laka action la turin a ngen.

Chief Secretary hnena lehkha thawntu chuan, SDRF sum hman dan chu RTI Act hmangin Saitual DC office aṭanga dil chhuah a nih thu tarlangin, "SDRF sum Rs. 5,00,000 chu mimal in chhia ṭanpuina atana pek anga inziakin, a dawngtu turte'n an dawn si loh a awma hriat a ni. A dawngtu tura thlante hi in chhia tak tak pawh an ni lo a, phuahchawpa tih sak an ni tih hriat chian a ni," tih a ni.

Lehkhaa tarlan dan chuan, in chhia anga sawite'n pawisa an dawn tur chu an hre lo mai ni loin, pawisa pawh an dawn lohzia anmahni ngeiin an ziak a ni. Pawisa laknaa hming ziak chu tute'n emaw an ziahsak chawp ngei niin a lang.

Chief Secretary hnena lehkhathawnah hian RTI Act hmanga zawhna chhanna leh pawisa dawng anga tarlante'n an dawn loh thu an ziahna copy thil tel a ni.

RTI Act-a tarlan dan chuan, SDRF sum sanction (pek chhuah) hun chu October 21, 2019 a ni a, information dilna chu bawrhsap Vanlalpeksanga'n December 5, 2019 khan a chháng a ni.

Ramnunsanga RokimaBuhbânRs. 1,01,900

J LalramchhaniNeihsangaLènchímRs. 1,01,900

C RotluangaRothangpuiaKeifangRs. 1,01,900

LaldingnghetaZabukaMaiteRs. 1,01,900

VCP Sihfa, VC House atan-SihfaRs. 92,400