Mipuiin ei leh bar lama harsatna kan tawh loh nan CM-in hma a la - MNF Ṭhalai

MNF Ṭhalai chuan thuchhuah siam­in, Covid-19 avanga mipui nunphung a buai avangin mipuiin ei leh bar lama harsatna kan tawh loh nan Horticulture changtu chief minister Zoramthanga chuan Vegetable Supply Chain duang chhuakin, a buaipuitu tur committee din a nih thu an tarlang.

Chawpchilh takin Sairangah cold storage hman theih tura buaipui niin, power supply-te pawh tih chawp a nih thu tarlangin MNF Ṭhalaite chuan, "Sorkar hmalakna a nih avangin Zoram hmun hrang hranga kut hnathawktuten an thlai thar an hralh theih phah a, local task force-te nena ṭangkawpin khawpui lamah pawh mipuiin chawhmeh tur thlai thar an neih theih phah a ni," an ti.

MNF Ṭhalai chuan April 20-ah ZPM MLA-ten Sairanga cold storage tlawhin, sorkar chetṭhatna hnuhhniam tum zawnga hmalakna an nei nia tarlangin, "ZPM MLA-ten hrileng kara mahni leh party hamṭhatna tur zawnga sorkar an kher zui ngar ngar hi Super Opposition Leader nih tum an awm leh ta em ni? an ti a, kuthnathawktute leh mipuite tana CM hmalakna hi a thik awm em ni tih chu an zawhna a nih bawk thu an sawi.