Mirethei tana luan chhuahna
UDPA minister Tawnluia, deputy chief minister hoin nimin khan a pisaah 'Khawpui chhung miretheite tana luan chhuah programme' thawh khatna neih a ni a, Aizawla hmun pathuma Basic Service to Urban Poor (BSUP) complex-a cheng chhungkaw 586 hnenah ṭanpuina an sem.
Tawnluia chuan, Covid-19 vanga khawvel pum a buai laiin Mizoram sorkar chuan Chief Minister kaihhruainain nasa takin ṭan a la tih a sawi a, "Kohhran, tlawmngai pawl, political party leh mipuiin sokar hmalakna an ṭawiâwm ṭha a, sorkar ruahmanna tipuitling zawngin ṭhahnemngai taka an ṭang hi a lawmawm tak zet a ni," a ti.
UDPA secretary Dr C Vanlalramsanga sawi danin, BSUP complex - Lawipúah chhungkaw 359, Edenthar Vengah chhungkaw 104 leh Rangvamualah chhungkaw 123, an vaiin chhungkaw 586 an chêng mek a; chhungkaw tin hnenah alu kg. 5, chini kg. 2, tél litre 2, dailuah kg. 2, purûn sen kg. 1 leh damdawi leina turin Rs. 300
ṭheuh pek tura ruahman a ni.