Gas phur turin sorkarin Truck 16 an hmu tawh

Mizorama gas har-satna phuhrûkna tura Mizoram sorkarin Mual-khang Gas Bottling Plant aṭanga gas phurh chhuah a tumnaah, gas phur turin truck 16 an ruahman tawh a, ni 2/3 hnuah Indian Oil Corporation (IOC)-in phurh phalna a pek beisei a ni.

Vanglaini palai zawh-na chhangin Food, Civil Supplies & Consumer Affairs (FCSCA) sec-retary Dr Franklin Lal-tinkhuma chuan, Mual-khang aṭanga gas phurh nan hian FCSCA chuan truck 20 an duh a, mah se tun thlengin truck 16 an hmu tawh tih a sawi a, "Truck 16-te hi registration certificate, plying permit, insurance leh fitness certificate-te IOC-ah kan thawn thla tawh," a ti.

Dr Franklin Laltin-khuma chuan, FCSCA department-in Mual-khanga gas a phurh chhuah tum chu IOC-in a thuphungin a pawm tawh tih sawiin, "Ni 2/3 hnuah chuan min phalsak hmel. Secuirity deposit min ngaihnathiam turin ka dil a, IOC hotute'n an finance lamah min dilsak mek," a ti a; gas an phurh theih thuai kan beisei thu a sawi.

FCSCA Secretary chuan, IOC-a gas trans-porter-te'n an phurhna rate a hniam avangin FCSCA-in gas phur tura a tihte chu sorkarin phurh man a pek belh dawn tih a sawi a, "Finance department-in cheng nuai 11 min phalsak tawh," a ti bawk.