KHAWTHLIR

Thisen pe

Chhiahtlang Bial KṬP-te chuan nimin khan Chhiahtlang Venghlun Kohran hall-ah blood donation camp an huaihawt a, Synod Hospital tan mipa 32 leh hmeichhia pakhatte'n thisen unit 33 an pe.

Lirthei dah khap

Traffic SP chuan thupek chhuahin, mipui kea kalte leh lirthei hmangtute tana a awlsam zawkna atan, Kulikawn huam chhunga Dr Pika Road, Salvation Army biak-in bul aṭanga CP Road pawhna pêng inkar kawngpui sirah chhûn leh zanah lirthei dah a khap. Dropping leh pick-up erawh
phal a ni.

Unity Day

Nimin khan sorkar pisa hrang hrangah National Unity Day pualin sorkar hnathawkte'n hnam inpumkhatna thuchah an chham rual a; New Secretariat-ah chuan main building tualah Chief Secretary hoin inpumkhatna thuchah sawi rual a ni.

Lehkhabu thar

Familia Fanai Laltlansanga lehkhabu ziah, ‘Mary Winchester Zoluti Chanchin’ tih chu nimin khan parliamentary secretary Joseph Lalhimpuia'n a pisa-ah a tlangzarh. Joseph Lalhimpuia chuan history ngaih pawimawh a ṭul tih sawiin, "Kan nihna hi mi dangin min ziahsak ngawt ring loa keimahni ngeiin a taka kan zira kan chik a
ṭul," a ti.

Bank hawng

Khatlaa Bandhan Bank branch thar chu nimin khan Finance minister Lalsawta'n a hawng. Finance Minister chuan, "Bank dawrtute tana mawhphurhna pawimawh ber chu bank-in inrêlbàwlna dan a siamte zawmsak leh loan an pek chhuahte ṭha taka rulhsak a ni," a ti. Bandhan Bank CEO Chandra Shekhar Ghosh chuan, Mizoramah branch
din belh zel an tum thu a sawi.