Hâlpuah khap leh dawn

Nimin khan Home minister R Lalzirliana hoin a pisaah sorkar official-te leh Central YMA hruaitute an ṭhukhawm a; kumin Kris-mas leh kumthar vuakvêtah hâlpuah leh a kaihhnawihte khap ni se, an ti.

Meeting chuan, Krismas leh kumthar vuakvêt chhungin hâl-puah, hâlmawi leh puak thei thil dangte bakah, silai lem, a mû kâp chhuak thei chi reng reng zawrh leh hman khap an rel bawk.

Kum hmasa lama khawlai chei mawi lawm-man leh musical concert buatsaihna atan sorkarin sum a sên ṭhinah, kuminah chuan sorkarin sêng tawh lo se, tih a ni a; hetih lai hian, veng neitute chu mahni veng
ṭheuh an theih ang tâwka chei tura beisei an ni.

Krismas leh kumthar vuakvêtah mipuite'n hlim leh thlamuang taka hun an hman theih nan NGO lamte pawh hma la tura beisei a nih thu meeting-ah hian tarlan a ni a; duty-te tan sorkarin a remchan dan angin ei leh in senso tur a ngaihtuah dawn a ni.