Kum 2018-ah Congress an tla dawn : Dr. R Lalthangliana

MNF vice president Dr. R Lalthangliana chuan, kum 2018 MLA inthlanah Congress party chu chiang taka an tlak tur thu a sawi.

Dr. R Lalthangliana hian nimin khan Keiṭum khuaa Hrangturzo West Block MNF conference a hmanpuinaah thu sawiin, "Congress sorkar hnuai-ah Mizoram dinhmun a chhe hle. Mizoramin sorkar kan nei ta lo ni maiin ka hria a, mipuiin ngaihthah kan ni tih kan hre tawh. Kum 2018 inthlanah hian chiang takin Congress chu hnuh-thlakin a awm dawn a ni," a ti.

Minister pakhatin NE-ah Mizoram kawng a ṭha ber pawl tiin a sawi nia tarlangin MNF Vice President chuan, "Kan zin kual zau leh Mizoram kawngchhiat zia kan hmu zau mai a ni. Hmun ṭhenkhatah phei chuan kawng a chhia mai nilovin kawng a bo," a ti a, kawng chhia avanga mipuite tawrhna sorkarin a hmuh thiam loh thu a sawi.