November 18-ah V/C bye-election

Mizoram State Election Commission (SEC) chuan thuchhuah siamin, Chakma Autonomous District Council (CADC) chhunga village council pali - Kurbalobasora, Saizawh (W), Longpuighat-II leh Golasury-ahte November 18, 2016-ah bye-election buatsaih a ni dawn tih a puang.

SEC thuchhuah tarlan danin, khaw paliah hian V/C member thi an awm avangin bye-election buatsaih tur a ni a. Inthlana chuh tumte tan November 4 thleng hming pek luh theih niin, November 18 zing dar 7 aṭanga tlai dar 5 thleng vote thlak tur a ni a, vote thlak hun a tawp veleh vote chhiar nghal tur a ni.

V/C bye-election neihna tur khaw paliah hian voter mipa 678 leh hmeichhia 759, an vaiin 1,437 an awm.