Kolasib leh Mamit-ah essay inziahsiak lawmman sem

District Legal Service Authority-in School Essay Writing Competition 2016 an buatsaiha tiṭhate hnenah, nimin khan Kolasib leh Mamitah lawmman sem a ni.

Kolasibah chuan essay inziahsiak lawmman semna hi Parish Hall-ah buatsaih a ni a, Kolasib DC H Lalengmawia’n lawmmante hi a sem a ni. H Lalengmawia chuan an district-ah literacy campaign a neih chhoh mek thu sawiin, “Literacy drive-ah hian Kolasib officer club-te’n theihtawp chhuahin sikul hrang hrangah campaign an nei ṭhin a ni,” a ti.

Essay inziah siaka pakhatnate chu college-ah B Lalrampari, Govt. Kolasib College; higher secondary-ah Angie Malsawmkimi, St Johns HSS; high school-ah Jennifer Zonuntluangi, Govt. Diakkawn HS; middle school-ah Lalroenga, Springfield Academy leh primary-ah R Lalrinhlui, St. Maria Gorrety School-te an ni.

Mamitah chuan essay inziahsiak lawmman hi St. Francis of Assisi School-ah sem a ni a, Mamit District Legal Service Authority secretary BT Lala Sakachep-in a hman pui.