National Unity Week pualin Unity Run

School Education department huaihawtin nimin zing khan Aizawl leh district dang ṭhenkhatah Rashtriya Ekta Diwas (National Unity Week) pualin Unity Run neih a ni.

Aizawlah chuan Unity Run hi zing dar 6-ah ṭan niin, zirlaite chu Chanmari kâwn aṭanga
Vanapa Hall kawt thleng an kal a, School Education joint director ST Zaduna’n a vailiam.

Vanapa Hall kawta inkhawm tâwiah School Education secretary P Lal-chhuanga chuan, Unity Run chu Sardar Vallabhai Patel-a pian champha vawi 140-na pualin neih a nih thu a sawi a; Sardar Vallabhai Patel chu India ram zalenna sualnaah sûlsutu langsar tak a nih thu te, India ramin zalenna a neih hnuah Home Minister leh Deputy Prime Minister hmasa ber a nih thute a sawi bawk.

P Lalchhuanga chuan, Unity Run-a tel zirlaite chu Sardar Vallabhai Patel-a hna thawhte hre reng a, hnam inpumkhatna tur hawi zawnga an theih ang anga ṭan la turin a chah a ni.

Unity Run hi district dang khawpuiahte pawh District Education Officer-te kaihhruaina hnuaiah neih a ni bawk.