Bru-te Mizorama hruai turin Dan angin hma kan la - HM

Home minister R Lalzirliana chuan, Tripura refugee camp-a Bru-te Mizorama an kîr theihna atan dan angin sorkar chuan hma a lak thu a sawi.

Agriculture depart-ment-in nimina Kolasib Diakkawn YMA Hall-a Inception Programme of New Economic Deve-lopment Policy an buat-saih a hmanpuinaah thu sawiin R Lalzirliana chuan, "Bru-te hi dan angin an lo luhna turin hma kan la. Lo lut lo mah se pawi kan ti lo," a ti.

Tripura-a Mizoram mi Bru-te lak let tumnaah, Mizoram khua leh tui dik tak an nih leh nih loh vawiin aṭang hian endik a ni dawn a, endiktu tur official-te chuan nimin khan Tripura an pan a ni.

NLUP chungchang sawiin Agriculture Minister chuan, "Cen-tral-ah NLUP titawp tura nawrtute hi min hmangaihtute an ni lo. A thlawna pawisa sem tiin min sawisel a, a thlawnin pawisa kan sem lo," a ti a; NLUP chu mi bâwiha táng reng turte khai chhuahna atana duan a nih thu a sawi.

R Lalzirliana sawi danin, Mizoram sorkar chuan NEDP kalpui a nih chhungin link road laihna atan cheng vbc. 260 a ruahman. Inkhawm hi Agriculture director Dr C Lalzarliana'n a kaihruai a, parliamentary secretary Lt.Col. ZS Zuala leh Hmingdailova Khiangte te pawhin thu an sawi.