Dawrpui Vengthar-ah MNF tling

Thawhṭannia Dawrpui Vengthar Local Council bye-election-a vote tlate chu vote thlak zawh, Thawhṭanni zan khan chhiar nghal a ni a; MNF candidate Robert Zosangliana chuan amah hnaih bertu Congress party candidate vote 95-a hnehin a tling.

He inthlanah hian vote nei mi 2,599 zinga 1,515-in vote an thlak a, vote tla zat chu 58.29% a ni. Thlan tlin tak Robert Zosangliana'n vote 739 a hmu a; Congress candidate Aldrin Zosangliana'n vote 644 hmuin, BJP candidate T Rohmingliana'n vote 109 a hmu thung. Heti hian Dawrpui Vengthar LC-ah hian MNF, Congress leh MPC-te'n seat hnih ṭheuh an nei ta a ni.