AMC-in Aizawla in sak danah ngaihhnathiamna pe thei tawh lo

Aizawlah in sak a niha Aizawl Municipal Corporation (AMC)-in ngaihhnathiamna (relaxation) an pek theih ṭhin chu tun hnai aṭang khan tihtawp a ni.

Mizoram sorkara Council of Minister-in an pawm tâk, The Aizawl Municipal Corporation Building (Amendment) Regulations, 2016 duan ang chuan, AMC-ten an duh dana in sak a niha ngaihhnathiamna an pek ṭhin chu phal a ni tawh lo a, sorkar pawmpuina an neih zel a ngai tawh dawn a ni.

UDPA department hotute hnen aṭanga thu dawn danin, ngaihhna-thiamna chungchanga AMC thuneihna tihtawp a nih chhan chu, ṭul lem loa ngaihhnathiamna pek a tam lutuk vang a ni.

The Aizawl Muni-cipal Corporation Buil-ding (Amendment) Regulations, 2016 duan hi Council of Minister chuan September 21, 2016 khan an pawm a, chumi hnuah notification chhuah a ni tawh. Assembly hmasa berah Rules tihdanglam pharh tum a ni.