Ruihhlo zuar ṭhang man

Central YMA hnuaia ruihhlo dotu SRS-te chuan tun hnai khan ruih-hlo zuar ṭhang, Lalnunmawii @ Manuni (43) w/o Rothanga (L), Tuirial Airfield Veng leh heroin a kawl lai gram 41 an man.

SRS tarlan danin, Lalnunmawii hian heroin, proxyvon, parvons spas a zawrh ṭhin bakah, kheh-puam a khawih nasa a; sum leh pai a ngah tawh avangin chhan hrang hrang vangin man a harsa a, amah man theitu lamah hmelhriat leh tihlungawi a ngah avangin SRS-te'n man tuma an veh pawhin a rûk thei ang ber leh fimkhur thei ang berin an veh a ni.

Man a nih ve leh hian Lalnunmawii chuan amah mantute chu nasa tak takin a vau a, Excise & Narcotics department duty-te hmaah pawh 'Eng nge ka tih theih in la hria ang' a tih khum a ni.

SRS-te hian Pathianni zan vek khan Lalramena (24) s/o Lalzawmliana Matupui hnen aṭangin heroin hawng 1 leh Lal-hruaipari (43) s/o Khaw-lianthanga, Myan-mar ve ve hnen aṭangin heroin an man.

Pathianni zana SRS-ten heroin an man zawng zawng hi tualchhunga hralhnaah chuan Rs. 2,50,000 chuang hu a ni.