Lawngtlai khawthlang lamah lirthei an tlân lo

Lawngtlai aṭanga khawthlang lam, Lawngtlai - Parva kawngpui a chhiat
avangin Lawngtlai District Commercial Vehicles Joint Action Committee thurel angin, nimin aṭang khan lirtheite an tlan lo.

Lawngtlai aṭanga thu dawn danin, Lawngtlai aṭanga khawthlang lam panna kawngpui, BRTF enkawl chu a chhiat em avangin hun eng emaw ti chhung chu buhfai phur truck an tlan duh lo tawh a; Lawngtlai District Commercial Vehicles JAC thutlukna angin nimin aṭang khan lirthei dang zawng zawngte pawh an tlan lo ṭan a ni.

LDCVJAC-te'n khawthlang lam kawnga tlan an phal loh hi tiam chin awm lo a ni a, lirthei reng reng an tlan lohna turin Lawngtlai khaw daiah leh Bung-tlang South-ah duty an indah a ni.

LDCVJAC chuan, khawthlang lam panna kawngpui chu siam ṭha turin BRTF hmunpui 71 RCC leh Lawngtlai DC hnenah an lo thlen fo tawh niin an sawi a; mahse, an ngenna chuan ngaihsak a hlawh lo niin an sawi. Kawngpui chu thawm
ṭhat thuai ni se an duh thu an sawi bawk.