NERLP leh SBI-in inremna an ziak

Aizawl DC Kannan Gopinathan hmalaknain District Project Management Unit (DPMU)-Aizawl, North East Rural Livelihood Project (NERLP) leh State Bank of India (SBI) chuan inremna an siam.

Inremna ang chuan NERLP, Aizawl hnuaia bank facilitator-te chu SBI-in mini-ATM khawl kengkualtu atan an hmang thei dawn a ni.

Thudawn danin, mini-ATM khawl hmang hian mipuiin an debit card/ATM card/Rupay card te hmangin pawisa lakchhuah leh thil dangte an ti thei dawn a ni. NERLP, Aizawl hnuaiah hian bank facilitator 18 an awm a, chung zinga mi 13 te chuan mini-ATM hi an keng kual dawn a ni.

NERLP bank facilitator-te hian khaw nga vel ṭheuh an bial a, an bial chhungah hian zin kualin NERLP hnuaia self help group (SHG)-te accounts bu an enfiah pui ṭhin a, he mi tih pah hian an mini-ATM hi an keng kual dawn a ni.

NERLP hi Ministry of DoNER hnuaia awm niin head office chu Guwahati-ah a awm a, hmar chhak state palia district 11 a rural area ah hna a thawk a ni.

NERLP, Aizawl hnuaiah SHG 1604 an awm a, khaw tinah SHG-te khaikhawm tu tur Self Help Group Village Federation din a ni. SHG ah te hian cheng nuai1594.8 pek chhuah tawh a ni.

Community development group (CDG) 88 din a ni tawh niin, khaw tinah pakhat awmin, CDG ah te hian cheng nuai 173.8 pek chhuah tawh a ni.

Skill Development and Entrepreneurship Training hnuaiah
ṭhalai 157 te training pek tawh an nia, Aizawl district rural area-a
ṭhalaite tailoring, beauty & spa, cos-metology, masonry, electric house wiring, security guard, hand-loom, hospitality, computer hard-ware & networking, health tech-nician, etc. ah te training pek an ni.