AMC councillor-te'n khawpui 6 tlawh dawn

Aizawl Municipal Corporation-a councillor 12-te chu India ram khawpui hrang hranga tualchhung sorkar (municipal) rorel dan zir tur leh an hnathawh dante zir turin nimin khan Aizawl aṭangin an chhuak a, New Delhi an pan.

AMC councillor-te study tour-a kalte hi deputy mayor Lalringliana'n a ho a; mi dangte chu - Rosiam-ngheta, Laltlanzova Khiang-te, K Romawia, Lal-hmingmawia, B Lalawmpuii, H Zonunsanga, R Thanglura, Zonunsangi, H Vanlalruata, C Lalthansanga, K Lalhmingliani leh Lalbiakthanga te an ni. AMC official pathumin an zui bawk.

AMC councillor-te hian November 1-15 chhungin India ram khawpui hrang hrang - New Delhi, Shimla, Chandigarh, Dehradun, Jaipur leh Kolkata-te an tlawh dawn a; heng khawpuia tualchhung sorkar, municipal corporation leh municipal council-te inrelbawl dan leh hnathawh dante an zir dawn a ni.

An tlawh tur khawpui enkawltute nen an inkâwm ang a, municipal hmalakna hrang hrangte a hmuna tlawh turin rua-hmanna siam sa vek a ni.

Study tour-ah hian a bikin tualchhung sorkarte rorel dan te, khawpuia bawlhhlawh lak khawm dan leh sawngbawl dante an ngai pawimawh zual dawn niin an sawi.