Thubuai ziah luh a tlahniam

Covid-19 vanga inkhârkhip a nih hnuah Aizawl district-a police station hrang hrangah thubuai ziah luh a tlahniam.

Police hotute hnen aṭanga Vanglaini thu dawn danin, inkhârkhip laiin mipui chhuak thei an tlem avang leh police leh local task force-te an duty nasat avangin thubuai ziah luh a tlahniam hle. Thubuai ziah luh berte chu rûkrûk thubuai leh Mizoram Liqour (Prohibition) Act bawhchhiatna a ni.

Thubuai ziah luh a tlakhniam mek lai hian, jail-a tâng zinga eng emaw zat Covid-19 vanga chhuahtir an nih hnuah thubuai a pung a, ruihhlo zawnga chhuakvâk an tam phah a ni.