Chief Minister-in sbiINTOUCH a hawng

SBI digital branch thar, ‘sbiINTOUCH’ tia vuah, Chanmari, Aizawla mi chu nimin khan chief minister Lal Thanhawla'n a hawng.

Chief Minister chuan, SBI-in tunlai thiamna leh changkannain a hrin ‘digital khawvel’ mila Mizoram mipuite tana branch thar an chhawpchhuak chu lawmawm a tih thu a sawi a, "Tunlai ṭhalai digital thiam-na neite'n an hman ṭang-ka ngei ka beisei. Prime minister Narendra Modi-a’n Digital India ruahmanna a duan chhuah aṭang hian nasa takin mipui rawngbawlna kawngah uar taka digital leh computer thiamnate hman mek a ni," a ti.

Lal Thanhawla chuan, India anga ram ṭhang mekah chuan banking lamah hmalakna tur tam tak a la awma a hriat thu sawiin, "Tunlai thiamna hmanga banking system kan tihhmasawn leh tihphuisui hi a péng khat a ni a, a dang leh chu thingtlang khaw lamah banking-in mipuite a huam zau a pawimawh," a ti a; thingtlang lamah a tam thei ang ber banking service-in mipui a huam theih nana hma la turin SBI hotute a chah.

sbiINTOUCH hi khawl chang-kang ber ber hmanga thuam a ni a, independent (mahnia inrêlbâwl) branch a nih ang leh digital branch a nih angin hnathawk pawh mi pahnih chauh dah a ni.

Khawl awmte chu - ATM, cash deposit machine/recycler, account opening kiosk, electronic cheque dropbox, INB Kiosk, dwayam/SSK (passbook printing machine)-te a ni a; pawisa lak chhuah, dah luh, account hawn leh debit card print-te chu khawl hmanga tih vek tur a ni.