Kawng chhuat a tlak vangin Lirthei tlân dan tur siam thar

Traffic SP chuan thuchhuah siamin, Edenthar Veng pêng bula NH-54 kawngpui chu a chhuat a tlak belh leh avangin lirthei lian (HMV) reng reng a tlân tlang theih loh tih a tarlang a; lirthei tlân dan turah ruahmanna thar siam a nih thu a puang.

Lirthei tlan dan tur ruahmanna thar hi 407 truck chin chunglam tana tih a ni a; phai lama bungraw chah ṭhinte chu kawngpui chhiat chhung chu lirthei ke 10 nei leh 12 neite hmang lo turin Traffic SP chuan a ngen.

Lirthei tlân dan tur

⇐ Kawnpui to Aizawl via Zanlawn, Sihphir, Durtlang etc. kawngpuiah lirthei lian (HMV ke 10-12 tiam loin)-te chu zan dar 5 aṭanga zing dar 6 hma ngeia Aizawl luh hman tur.

⇐ Aizawl to Kawnpui via Zanlawn, Sihphir, Durtlang etc. kawngpuiah lirthei lian (HMV)-te chu zing dar 8 aṭanga chawhnu dar 2 inkarah Aizawl khawpui tlan tlang loin, Zemabawk lam aṭangin Kawnpui lamah chauh tlan phal a ni.(Aizawla no entry zing dar 7 aṭanga zan dar 7 chu a pangngaia kalpui tur a ni).

⇐ Sairang lama aṭanga lirthei lian (HMV) lut turte chu Ch.Saprawnga Truck Terminal thleng tlan tur a ni. Ṭul bik thilah chuan Vaivakawn kaltlanga zan dar 10 pelh hnua Aizawla luh dan tur traffic police-te'n an siam ang. Zing dar 3 hnu lamah chuan Ch.Saprawnga Terminal aṭanga Vaivakawn lam pana Company Pêng lamah tlan tlang phal a ni lo.

⇐ Temple to Vaivakawnah motor lian chhuk leh chho zawnga tlan a ngaih dawn avangin, zan dar 9 leh zing dar 7 inkarah lirthei reng reng kawngpui dungah dah phal a ni lo.

⇐ 407 truck leh MMV-te chu khawpui chhungah an lut duh a nih chuan Lungverh-Sakawrtuichhun-Chhangurkawn lamah kal tur a ni a, Chhangurkawn aṭangin zing dar 10 aṭanga tlai dar 4 inkarah Khatla kâwn via Chawnpui, Kanan Veng, New Secretariat Complex lamah tlan theih a ni.

⇐ 407 truck Aizawl aṭanga Sairang lama kal turte chuan chhun dar 10:30 aṭanga tlai dar 4 inkarah Temple Square to Company Peng via Vaivakawn kawngah an tlan thei.

⇐ Company Pêng leh Vaivakawn inkarah 407 truck leh a chung lamte chho zawngin zing dar 7 aṭanga zan 8 inkarah tlan phal a ni lo.

⇐ Truck ruak, Luangmual lam aṭanga Sairang pan turte chuan Vaivakawn kaltlang loin, dar zan dar 6 aṭanga zing dar 2 inkarah Ramrikawn-Sakawrtuichhun-Lungverh kawngah tlan tur a ni.