Eirawngbawlna gas refill booking hman dan tur sawiho

Food, Civil Supplies & Consumer Affairs (FCSCA) department leh Indian Oil Corporation (IOC) hotute chu November 1, 2016 khan FCSCA diredctor R Lalramnghaka hoin a pisaah an ṭhukhawm a; sorkar laipuiin eirawngbawl gas hmangtute'n gas hman tur lakna kalphung thar a duan, 'refill booking' Mizoramaa hman ve dan tur an sawiho.

Meeting-ah hian FCSCA leh IOC hotute bakah, Mizoram Consumer Union hruaitu te, Zoram lndane Service, Chaltlang-in a huam chhunga local council leh YMA aiawhte an tel.

State dangte anga Mizoramah refill booking kalpui a nih thuai theih nan Mizoram sorkar chuan lOCL chu thil ṭul turte peih turin a lo hriattir tawh a, peih thawkhat a nih tawh avangin Mizorama hman ṭan dan tur an sawiho a ni.

Sorkar thuchhuah tarlan danin, refill booking hnuaiah hian LPG hmangtu (consumer)-te'n gas an mamawh hunah distributor-te hnenah awlsam takin booking an ti thei dawn a; booking chu online, Interactive Voice Response System (IVRS), mobile phone SMS leh telephone hmangin a tih theih dawn a ni.

Meeting-ah hian, refill booking hmanga consumer-te'n distributor-te hnena mamawhna an thlen dan turte chipchiar zawka mipuiin an hriat theih nan video leh presentation hmangin veng tinah van-tlang inkhawm huaihawta inzirtir ni se, tiin an rel a ni.

Ram pum huapa mi-puite'n refill booking an hmelhriat dan a inchen loh vang leh, inbiakpawhna (internet, telephone, etc.) hmanrua neih dante a inan loh vangtein a enchhinna atan distributor thlan bikah kalpui phawt an rel bawk.