Home leh damdawi-in ṭanpui

CRPF 225 Battalion chuan civic action programme hnuaiah nimin khan Cancer Society of Mizoram, Zemabawka mite hnenah ei leh in tur leh mamawh hrang hrang an pe a; commandant Henzang Vaiphei-in ward superintendent R Lawmsangi hnenah a hlan. Cancer Society of Mizoram hian damlo 34 an enkawl mek a ni.

Sorkarin a din Vegetable Supply Chain chuan April 21 khan Thutak Nunpuitu Team (TNT) leh Ṭawngṭai Bethel Camping Centre hnenah zîkhlûm quintal 10 ve ve a hlân. TNT-ah hian mi 1,800 chuang an awm mek a, ṬBCC-ah mi 850 vel an awm mek bawk. Vegetable Supply Chain aiawhih Prof. F Lalnunmawia, MLA-in thilpek hi a hlan.