Saitual district-a SDRF sum hman dan ZPM ṭhalaiin chhui an phût

ZPM Ṭhalai Gen. Hqrs. chuan nimin khan thuchhuah siamin, State Disaster Respond Fund (SDRF) sum Saitual district-a hmannaa Rs. 5,00,000 tih­chingpen a awm nia lang chu chhui chiang­ vat turin Mizoram sorkar an phût.

Covid-19 dona leh invênna a kalpui danah leh inkhàrkhip vanga mipuiin harsatna an tawhte mumal leh chak zawka sutkian a nih theih nan  hma la tura Mizoram sorkar an phûtnate an tarlang a, "Saitual district-ah SDRF sum Rs. 5,00,000 tihchingpen nia lang hi chhui chiang vat turin sorkar kan hriattir a ni. Pawisa hi hmansual a nih chuan hmuh lêt a nih ngeina tur leh thil tisualtuin a phû tâwk hremna a hmuhna turin sorkar­in hma la rawh se," an ti.

#Kan sorkar hi Covid-19 vanga harsatna hrang hrang kan tawh mekte sutkian a nih theih nan CM Relief Fund sem piah lamah, SEDP sum pawh hmang turin kan phût.

#Mizoram páwna zirlai leh hnathawka awm tangkhangte harsatna tawh hi hriatthiampui a, north east-a state dangin an tih anga sum leh paia ṭanpuina mimal ṭheuha pe turin kan ngen a, zirlaite'n scholarship pe thuai tura sorkar an ngenna hi sorkarin tihlawhtlinsak ngei se.

#PPE hman tlâk loh tam tak, a phurh thlenna manah ringawt pawh cheng nuai 16 chuang kan sênnaah hian engtiangin nge sorkarin hma a lak? Supplier lakah state dang tih angin FIR a thehlut dawn em? Covid-19 dona atana hman tlak loh PPE hi thawn kìr leh a ni dawn em?

#Ruah leh rialin loneitute huan thlai tam tak a tichhia hi pawi kan ti hle a,Saitual district-a SDRF sum hman dan ZPM ṭhalaiin chhui an phût