Tlabung zirtirtu transfer order sût

Tlabung Joint VC & All NGO chuan, Tlabung High School zirtirtu Esther Lalhlupuii sawnna thupek (transfer order) chu sorkarin a sût thu leh, an lawm thu an tarlang.

An ngenna anga zirtirtu transfer order sût a nih tak avangin Education Minister leh School Education Director chunga an lawm thu tarlangin Tlabung Joint VC & All NGO chuan, "Sorkar laka beiseina leh rinna sâng tak nei chunga kan ngaihchân leh innghahna chuan awmzia a nei ta," an ti.

Tarlan tawh angin, Tlabung Joint VC & All NGO hian zirtirtu transfer order sût phûtin June 6, 2025 aṭangin Tlabung H/S-a zirlai leh zirtirtu kai tur an dang a, zirtirtu transfer takin an khua a chhuahsan loh nan chhun zan zawmin an veng ṭhin bawk a ni.