Lawngtlai DIET-in zirlaite thlah

Lawngtlaia District Institute of Education & Training (DIET) chuan nimin khan an Multipurpose Hall-ah 'Thanksgiving & Farewell Programme' an hmang a, district bawrhsap Cheemala Siva Gopal Reddy-a'n a hmanpui.

Lawngtlai Bawrhsap chuan, Lawngtlai DIET-a fouth semester zirlai chhuak turte chu duhsakna a hlan a, "Zirtirtu hna thawk tura in qualify tawh dawn a, hna in thawh hunah ram leh hnam tana thawk tur leh zirlaite tana entawn tlak ni ang che u," a ti a; zir thiamna piah lamah khawtlang tana mi rintlak leh innghah ngamna chher chhuaktu ni turin a chah.

DIET, Lawngtlai hi kum 2005 khan Thingkahah hawn a ni a, principal nen zirtirtu 11 leh zirlai 95 an awm mek a ni.